حلوة راقية بحشو مميز و ذوق ولا أروع

 

المقادير:

الحشو:

- 3م.ك كريمة سائلة

- 100غ شوكولا البيضاء مبشورة

- 4م.ك سكر عادي

- م.ص زبدة غير مملوءة جيدا

الحلوة:

- 200غ زبدة أو مرغرين

- 3م.ك سكر ناعم

- حبة بيض + صفار بيضة

- فانيليا بودرة

- 2م.ك مسحوق الخروب

- كاس إلا ربع نشاء منخول

- م.ص خميرة كيميائية

- 2 كيسان و ربع فرينة ( تبقى كمية الفرينة على حسب نوعيتها )

القلاصاج:

- 150غ شوكولا نذوبها على حمام مائية و نضيف لها 2م.ك زيت

طرية التحضير:

- نضع السكر في كسرونة و نحركها مرة على مرة قليلا ( نحرك الكسرونة و لا نحرك السكر بملعقة ) حتى يذوب تماما و يتكرمل

- نضيف الكريمة السائلة و نبقى نحرك حتى يصبح الخليط رطب غير متكتل

- ننزعها من على النار و نضيف لها الشوكولا البيضاء مباشرة و نواصل الخلط حتى تذوب ثم نضيف الزبدة

- نوزع الخليط في قالب سيليكون يكون دوائر صغيرة ( الشكل إختياري ) ثم ندخله للمجمد مدة ساعة و ربع ( ضروري )

- في إناء نخلط البيض مع الزبدة و السكر الناعم + الفانيليا جيدا مع بعض

- نضيف باقي المقادير حتى نتحصل على عجينة طرية جدا

- نقسمها على 2 و نفتحها ما بين 2 أكياس بلاستيكية و نطبعها بطابع دائري أو أي طابع 

- ندخلهم للفرن مسخن مسبقا على 160 درجة من التحت و من الفوق حتى تنشف فقط

- نلصق كل حبتين مع بعض بالمعجون

- ننزع الحشو من مول السيليكون بعدما يجمد نلصقة مع الحلوة بقليل من الشوكولا الذائبة  ( قطرة فقط ) ثم نقلاصيه و نزينه بخطوط من الشوكولا السوداء وورقة ذهبية