حلوة المبروشة بالتمر

 المقادير:

- 300غ تمر غرس منقي

- م.ك زبدة أو مرغرين

- 2م.ك جلجلان محمص

- رشة قرفة

- ماء زهر

- 3 حبات بيض

- رشة ملح

- م.ص مملوءة جيدا فانيلا

- كاس الا ربع سكر التمر ( حجم الكأس 220 ملل )

- كاس زيت

- 2 كيسان و ربع فرينة ( حجم الكأس 220 ملل )

- كيس و نصف خميرة كيميائية

طريقة التحضير:

- نضيف للتمر الجلجلان + الزبدة و القرفة و نعجن جيدا ثم نضيف ماء الزهر بالتدريج و نواصل العجن حتى يصبح الغرس طري

- فوق ورق الطهي 30*24 سنتم ( على حسب طول و عرض القالب ) نحل عجينة الغرس بالحلال مدهون بالزيت على حسب ورق الطهي و نضعه بجهة

- في اناء نضع البيض + الملح و الفانيلا و سكر التمر و نخلط جيدا ثم نضيف الزيت و نضرب جيدا

- نضيف 2 كيسان فرينة ( لا نضيف الربع كاس معها ) و نخلط حتى نتحصل على عجينة تتلاسق و خفيفة جدا

- ننزع منها 2 ملاعق كبيرة نضعهم بجهة

- نضع العجينة في قالب مدهون بالزيت و نحلها و نسويها ثم نضع فوقها طبقة التمر المحضرة سابقا

- نأخذ العجينة المأخوذة سابقا و نضيف لها ربع كاس فرينة و نخلط حتى تتماسك و تصبح يابسة ثم نبرشها في الخشن فوق الحلوة و نوزعها بالتساوي

- ندخلها للفرن مسخن مسبقا على 160 درجة بعدما يطيب و تبرد نعمل مسحة خفيفة من العسل من الفوق ثم نقطعه