قلب اللوز محشي على طريقة المحلات

 

ملاحظة: تبقى القياسات دائما حسب أبعاد القالب أنا هنا استعملت قالب طوله 30سم و العرض 24سم

المقادير:

بنفس الكيلة نكيل:

- 3 كيلات سميد خشن  

- كيلة و نص سكر 

- نص كيلة زبدة ذائبة أو مرغرين أو سمن 

-  نص كيلة خليط ماء الزهر و ماء عادي 

-  رشة ملح

طريقة التحضير:

- في اناء أو جفنة نضع السميد + السكر و نخلط + الزبدة و نبسس جيدا بين كف اليد 

- نشمخه في مقدار الماء و الماء الزهر و نفتل و لا نعجن أبدا 

- نغطيه و نتركه يرتاح على الأقل 5 ساعات او نتركه ليلة كاملة أحسن

- بعد ما يرتاح نضيفلو القليل من ماء الزهر و نفتلو و نلمو حتى يصبح يتشكل كرية بدون ان يتفتت

مقادير الشاربات: 

- كيلة و نص سكر 

- 750ملل ماء 

- 100ملل ماء زهر 

- شريحة ليمون 

طريقة تحضير الشاربات:

- نضع السكر و الماء في قميلة و نتركهم على نار متوسطة حتى يدأ يغلي ننتظر 10د و نطفي عليه 

- بعد ما تطيب نضيف لها شريحة الليمون و ماء الزهر

مقادير الحشو:

 - نحتاج الى كاوكاو او لوز محمص و مطحون 

- م.ك كاكاو 

- رشة خفيفة من القرفة 

طريقة تحضير الحشو:

- نخلط حتى نتحصل على خليط واحد

باقي الخطوات:

- ندهن القالب بالزيت 

- نأخذ كثر من النصف من العجينة و نفتحها في القالب على شكل حفرة صغيرة 

- نضع الحشو و الاطراف اللي طلعناهم نهبطوهم على الحشو 

- نضع النصف الأخر من العجينة و نفتحها جيدا على القالب على كامل الأطراف و نسوي سطح مستوي 

- نعلم خطوط التقسيم الى مستطيلات كبيرة 

- ندهن الوجه بزبدة ذائبة و باردة و نزينه بحبات اللوز 

- ندخله يطيب على 180 درجة على فرن مسخن من قبل 

- بعد ما يطيب و هو سخون نشربو بالشاربات و لازم تكون باردة لازم ندير كل الكمية باش يشرب مليح 

- نتركه 5 ساعات او ليلة كاملة و نقسمه و يقدم