حلوة السنيوة بذوق مميز

المقادير:

- 2 حبات بيض + صفار بيضة

- نصف كاس زبدة أو مرغرين ذائبة و باردة

- 3م.ك زيت

- نصف كاس سكر عادي

- رشة ملح

- م.ص فانيلا

- 2م.ك شامية للطلي ( حلوة الترك سائلة )

- 2 م.ك مكسرات ( أي نوعية من المكسرات )

- 2م.ك نشاء

- 3 كيسان الا ربع فرينة ( حجم الكأس 220ملل ) 

           * ملاحظة: كمية الفرينة تبقى على حسب نوعيتها *

- كيس خميرة كيميائية

التزيين:

- 250غ شوكولا سوداء ذائبة و مضاف لها م.ك زيت

- القليل من المعجون

- جلجلان

طريقة التحضير:

- في اناء نضع البيض + الزبدة و الزيت + الفانيلا و الملح + السكر و نضربهم جيدا ثم نضيف الشامية

- نضيف باقي المقادير و الفرينة بالتدريج حتى نتحصل على عجينة طرية جدا

- نضعها في قالب به ورق الطهي أو ندهنها بالزيت ثم نبسطها

- ندخلها للفرن مسخن مسبقا على 160 درجة

- بعدما يطيب نتركه يبرد ثم نفرغ الشوكولا الذائبة من الفوق

- نقطعه ثم نضع السنيوة في الثلاجة و نتركه حتى تجمد الشوكولا ثم ننزعه من السنيوة

- نزينها بخطوط من الشوكولا ثم ندهن أطراف الحلوة بالمعجون و نغمسها في الجلجلان