كيكة الشوكولا الفاخرة بكريمة الشوكولا

 

                                    الكيكة:

المقادير: 

- 3 حبات بيض 

- 150غ سكر عادي 

- 150غ فرينة 

- 30غ كاكاو بني 

- 150غ زبدة ذائبة و باردة 

- فانيليا 

- نصف كيس خميرة كيميائية 

- علبة كبيرة دانات الشوكولا

طريقة التحضير:

- نضع السكر و الفاني و البيض في اناء و نطلعهم بالباتور جيدا 

- نوقف الباتور و نضيف الزبدة + الدانيت و نخلط بالملعقة فقط

- في اناء نضع الفرينة مع الكاكاو و الخميرة الكيميائية و نخلطهم 

- نضيفهم في الخليط و نخلط من الأسفل الى الأعلى

- نترك الفرن يسخن على 170 درجة

- نحضر قالب ندهنه بالزبدة و نرشه بالفرينة و نضع فيه الخليط و ندخله الفرن

                                   الكريمة:

 المقادير:

- كاس كبير حليب بارد 

- 2 م.ك سكر عادي 

- م.ك نشاء 

- 2م.ك كاكاو بني 

- 50غ شوكولا مقطعة لقطع صغيرة 

- نضيف ملعقة زبدة

طريقة التحضير:

- في قميلة نضع الحليب و السكر + النشاء + الكاكاو و نخلط جيدا 

- نضعهم على نار هادئة مع التحريك حتى تعقد 

- نحيها من على النار ثم نضيف الزبدة و الشوكولا و نخلط حتى يذوبو جيدا 

- نغطيها بغلاف بلاستيكي لازم يكون يلامس الكريمة و نتركها تبرد بدون ادخالها الى الثلاجة

- نخرج الكيكة من الفرن و نتركها تبرد و نأتي بالكريمة و نخلطها لكي ترجع لقوامها و نضعها فوق الكيكة 

- نفتحها و نسوي السطح و نضع فوقها غاناش الشوكولا ( 100غ شوكولا مقطعة الى قطع صغيرة نذوبها مع 2م.ك كريمة سائلة و نستطيع ان نعوض الكريمة بالحليب )

التزيين: التزيين دائما اختياري أنا درت خطوط بالشوكولا البيضاء و نجيب كوردون و نمشي من الفوق و التحت مثل الميلفاي ( انظري للصورة )