مملحات راقية بحشوة رائعة.... كيش/ باركات

مقادير العجينة:

- 250غ فرينة 

- حبة بيض 

- 125غ زبدة طرية 

- نصف م.ص خميرة كيميائية 

- ملح حسب الحاجة

طريقة التحضير:

- في اناء نضع الفرينة و الملح + الخميرة + الزبدة 

- ندخل الزبدة في الفرينة و نحكها جيدا في كف اليدين

- نخفق قليلا حبة البيض و نلم بيها الخليط

- نضيف بالتدريج حتى تصبح عجينة طرية

ملاحظة: اذا متلمتش العجينة بالبيض نضيف الحليب او الماء

- نرش القليل من الفرينة في طاولة العمل 

- نفتحها على سمك 4ملم 

- نضعها في قوالب الكيش و الباركات بلا ما ندهنهم و نسويهم جيدا 

- نضعهم في الثلاجة 15د يبردوا و هذا هو سر نجاح الكيش و الباركات 

- نثقبهم بالفرشيطة 

- ندخلهم الفرن مسخن من قبل 15د على 180درجة 

- نخرجهم و نتركهم يبردوا و نحيهم من المول.

طريقة الاحتفاظ بهم : نضعهم في علبة محكمة الاغلاق و ندخلهم المجمد او الثلاجة

مقادير الحشو:

-150غ كريمة سائلة قابلة للخفق 

- القليل من الفلفل أسود 

- القليل من الملح 

- علبة تونة صغيرة 

- جبن طري

طريقة التحضير:

-في اناء نضع الكريمة و نضعها في الثلاجة تبرد جيدا 

- نطلعها بالباتور حتى يتضاعف حجمها

- نضيف 160 غ جبن طري + القليل من الملح و الفلفل الأسود 

- نستمر في الخفق 

- نضع علبة فقط من التونة و العلبة الأخرى للتزيين

التزيين:

-علبة التونة 

- طماطم سوغيز 

- زيتون أخضر مقطع 

- ذرة 

- ليكوغنيشو

طريقة التزيين:

- نعمر الكيش

- نضع اولا الكريمة ثم نضع التونة على الاطراف ثم ليكوغنيشو 

- نضع طماطم سوغيز في الوسط

- نعمر الباركات بالكريمة أولا و نضع كمية من التونة في النصف الاول و النصف الثاني ليكوغنيشو 

- نفصل بينهما بخط من الزيتون و الذرة كما في الصورة