لامونة قطنية محشية بالكريمة

 

المقادير:

العجينة:

- كاس ماء دافئ ( 250ملل )

- نصف كاس سكر ( 4م.ك مملوءة جيدا )

- 4م.ك زيت

- حبة بيض بدرجة حرارة المطبخ

- م.ك خميرة الخبز

- كيس خميرة كيميائية

- فانيلا

- رشة ملح

- علبة ياغوورت طبيعي ( يمكن تعويضه ب 2م.ك حليب بودرة )

- فرينة حسب الحاجة

الكريمة:

- 500ملل حليب ( نصف لتر )

- 2م.ك و نصف نشاء

- 4م.ك سكر

- فانيلا

- 1 م.ك و نضف مرغرين

-  5م.ك بودرة الشونتيي

طريقة التحضير:

- في اناء نضع الماء + خميرة الخبز و السكر و نخلطهم مع بعض

- نغطي الخليط و نتركه يخمر لمدة 15د في مكان دافئ

- نضيف 3 م.ك زيت + البيض  و الفانيلا و نخلطهم جيدا

- نضيف الياغوورت الطبيعي و نضيف الفرينة بالتدريج مع رشة ملح و الخميرة الكيميائية

- نخلط حتى نتحصل على عجينة تتلاسق في اليد

- نضعها في سطح العمل و نضيف م.ك زيت و ندخلها جيدا في العجينة و نعجن

- نضعها في آناء مدهون بالزيت و نغطيها و نتركها تخمر حتى يتضاعف الحجم

- في كسرونة نضع السكر + النشاء و الحليب نخلطهم مع بعض ثم نضعها على نار هادئة مع التحريك المستمر حتى تعقد

- ننزعها من على النار و نضيف لها الفانيلا و المرغرين

- نفرغها في آناء و نغطيها ببلاستيك غذائي لازم يلامس الكريمة ونتركها تبرد في الثلاجة

- نرش سطح العمل بالفرينة و نقسم العجينة على 2 خبزات

- نضعها في قالب مفروش بورق الزبدة نحلهم و نغطيهم يخمروا مرة ثانية

- نشغل الفرن يسخن على أعلى درجة

- ندهن الخبزات ببيضة كاملة و ندخلها الفرن على 180درجة

- بعدما تبرد الكريمة نضربها بالباتور  و نضيفلها بودرة الشونتيي و نواصل الخفق

- بعدما تبرد الخبزة نقسمها على 2 و نحشيها بالكريمة و التزيين اختياري