حلوة الكوكياج الرائعة

 المقادير:

العجينة:

- 250غ مرغرين بدرجة حرارة المطبخ

- حبة بيض كبيرة + صفار بيضة

- رشة ملح

- م.ص مملوءة جيدا فانيلا

- كاس الا ربع سكر ناعم

-  3 كيسان و نصف فرينة ( ممكن أقل أو أكثر على حسب نوعية الفرينة )

- 2م.ك نشاء

- ربع م.ص خميرة كيميائية

الحشو:

- كمية من الكاوكاو المحمص و المرحي

- شوكولا للطلي بذوق البندق

- كمية من الكراميل

القلاصاج:

- 150غ الشوكولا البيضاء

- حبة شوكولا بذوق الحليب لتغيير اللون فقط

طريقة التحضير:

- في اناء نضع المرغرين + البيض و الملح + الفانيلا و نخلطهم جيدا

- نضيف السكر الناعم و باقي المكونات حتى نتحصل على عجينة طرية (عجينة الصابلي)

- نشكل العجينة كريات على وزن 15غ

- نبسط كل كرية و نضعها في مول الكوكياج و نثقبها بالفرشيطة

- ندخلهم للفرن مسخن مسبقا على 160 درجة ثم نتركهم يبردو تماما 

- نخلط الكاوكاو مع الشوكولا جيدا و نضعه في جيب حلواني و نحشي بيه

- نحشي حبة كاملة بخليط الكاوكاو و الشوكولا و الحبة الثانية نضع في الأطراف فقط و نحشيها بالكراميل و نلصق كل حبتين مع بعض

- نذوب الشوكولا البيضاء في حمام مائي و نضيف لها شوكولا بذوق الحليب و نقلاصي بيه حبات الحلوة و التزيين اختياري